صعبه الحياه والحل بسيط....سيد حجاب

يا مصرى ليه دنياك لخابيط...والغلب محيط
والعنكبوت عشش عل الحيط...وسرح عل الغيط
يا مصرى قوم هش الوطاويط...كفاياك تبليط
صعبه الحياه والحل بسيط...حبة تخطيط

فتحت باب إستيرادك
وصرفت فوق ضعف إيرادك
حلى للخواجه إستكرادك
سابك بتقرا فى أورادك
وده أشطك ونزل تشفيط

ومهولاتى تحب تزيط
ساعة الفرح زغاريط تنطيط
وفى المياتم هات يا صويت
وفى المظاهرات سخن تشيط
وفى الانتخاب تنسى التصويت

وليه بترشى وتتساهل
وتبيع حقوقك بالساهل
تستاهل النار تستاهل
ياغويط ويحسبك الجاهل
ساهل وساهى وغبى وعبيط

يا مصرى يا اللى الغلا عصرك
والنهب فى عصرك حاصدك
قوم للحياه وأسبق عصرك
ولا حاجه هاترجع مصرك
إلا أن تكون شغال ونشيط

يا مصرى ليه دنياك لخابيط...والغلب محيط
والعنكبوت عشش عل الحيط...وسرح عل الغيط
يا مصرى قوم...هش الوطاويط...كفاياك تبليط
صعبه الحياه والحل بسيط...بس حبة تخطيط

» من تجارب الحياه
» أصل الجراد أشكال وألوان من أشعار سيد حجاب
» الخواجات الديابه\\سيد حجاب
» سيد حجاب هو شاعر مصري
» آدي إيدي مِد إيدك ..من أشعار سيد حجاب