تيوليب
•° نائبه المدير °•
عدد مساهماتى |♥ : 4846
تاريخ ميلادى |♥ : 27/11/1965
تاريخ تسجيلى |♥ : 09/01/2011
موقعى |♥ : www.elfagr.ahlamontada.net/
 | موضوع: المسحراتى فؤاد حداد  الجمعة أبريل 15, 2011 2:08 pm | |
| القدس
ــــــــــــــ
اصحى يانايم وحد الدايم
وقول نويت
بكره ان حييت
الشهر صايم
والفجر قايم
اصحى يانايم، وحد الرزاق
رمضان كريم
مسحراتى يامؤمنين
منقراتى مد الأنين
الله على رعشة الحنين
عمره ماكان الأمل ضنين
ياقدس يانوارة السنين
كأن عينى فى ميتمى
ياقدس مايحتمل دمى
الا أشوفك وأرتمى
وابوس ترابك المريمى
أبويا وابنى على فمى
ماأتوهش ياقدس فى المطال
ياعاصره مهجة الرجال
سقاك من دمعته الهلال
ياقدس ياسبحة الشقا
الأعمى فى سجدتك رأى
والفجر من صخرتك سقى
ياقدس تتفجر الجراح
والصبر حرب وأيوب صلاح
ياأخت من مكه والبطاح
قلبى انضرب للعرب وصاح
لابد من فتح فى الصباح
المشى طاب لى
والدق على طبلى
ناس كانوا قبلى
قالوا فى الأمثال
الرجل تدب مطرح ماتحب
وانا صنعتى مسحراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال
لما تقول أجمل مافى الدنيا
الميه للعطشان
يعرفوك عربى
أما للراوى ريحة البرتقان فى مداخل يافا
يعرفوك عربى
لما تقول ابنى اتولد لاجئ
يعرفوك عربى
لما تقول يارب
يعرفوك عربى
لما تباشر جهادك ، ترمى أوتادك
فى قلب دابح ولاد
يعرفوك عربى
اصحى يانايم وحد الدايم
السعى للصوم خير من النوم
دى ليالى سمحه
دى نجومها سبحه
اصحى يانايم
يانايم اصحى
وحد الرزاق
رمضان كريم
| |
|
تيوليب
•° نائبه المدير °•
عدد مساهماتى |♥ : 4846
تاريخ ميلادى |♥ : 27/11/1965
تاريخ تسجيلى |♥ : 09/01/2011
موقعى |♥ : www.elfagr.ahlamontada.net/
| | موضوع: رد: المسحراتى \فؤاد حداد الجمعة أبريل 15, 2011 2:11 pm | |
| المسحراتى
**********
(2)
مقطع
شريان فلسطينى
اصحى يانايم
وحد الدايم
وقول نويت
بكره ان حييت
الشهر صايم
والفجر قايم
أصحى يانايم
وحد الرزاق
رمضان كريم
مسحراتى من جنود الأرض
منقراتى كل دقه بفرض
أطلب غنايا زى أب ضناه
القدس لاحت فى الطريق حضناه
يارب علمنى العطش والجوع
واجعل لعينى دموع
وأجعل لقلبى ضلوع
واجعلنى صوت الشهيد
فى النبض والتنهيد
شريان فلسطينى شجر مزروع
فى الارض جدر وفى الليالى فروع
يسمعنى خال فى كل بلده وعم
جرح الملاجئ عمره ما يتلم
تفنى الليالى ولا يبور الدم
ولا طيارات الامريكان تمنع
النور من المصنع
ولا كل ريف تحت السما يسمع
طير الحمام يسجع
ولا ابن انسان الامل يرضع
ولا ليل شجاع يولد نهار أشجع
ولابد يوم أرجع
ويمد فى كل العرب حبلى
المشى طاب لى
والدق على طبلى
ناس كانوا قبلى
قالوا فى الامثال:
الرجل تدب مطرح ما تحب
وانا صنعت مسحراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال:
شيلينى يا دنيا
قبل النور وحطينى
بالراحه بالقوه
فى الريح الفلسطينى
خلينى قبل الصباح
أعرف صلاح دينى
اصحى يانايم
وحد الدايم
وقول نويت
بكره ان حييت
الشهر صايم
والفجر قايم
أصحى يانايم
وحد الرزاق
رمضان كريم | |
|
