افكار للغرف الزياده

أول فكرة: غرفة الغسيل
يكون فيها غسالة ونشافة وأوتي وأماكن تعليق وأرفف للصوابين وجذي وأبيها مرتبة وشرحة تفتح النفس مثل هالصورة ولاحظو التلفزيون

ثاني فكرة: غرفة لعب لأطفالي
ودي تكون كبيرة عشان يلعبون ويركضون براحتهم وحطي لهم كل الالعاب اللي يحبونها حتى لو ما قدرتي تطلعينهم بالويك اند الا يقدرون يلعبون ويستانسون، ولما يكبرون حطي فيها العاب كبار يعني بيبي فوت وهوكي وتنس طاولة مثلا

ثالث فكرة: سينما منزلية
سوي لها جو للإضاءة وقنفات مريحة وبروجكتر وسماعات حواليها واشتري مكينة بوبكورن والله وناسة وكدي الهندي كل يوم يوصل لج أفلام على محطمتني هالفكرة لأني أموت بالأفلام
تقدرين تسهرين فيها وتحطين فلم عائلي،،

رابع فكرة: نادي منزلي
تقدرين تقضين على مشكلة السمنة وأخيرا وتحافظين على رشاقتج انتي وانت حطي غرفة أرضيتها خشب وأجهزة رياضية وتلفزيون ولعبوا رياضة 3 مرات بالاسبوع

خامس فكرة: حديقة في السطح
هذي الفكرة مالها شغل بالغرف الزايدة بس نفس الفكرة ان تستغلين مساحة السطح وتسوينه مكان حلو بدل ماهو فاضي
طبعا الله يعافي الزرع والحشيش الصناعي مريح وما يبيله متابعة واحد يسقيه وحطي مظلة وطاولة وكراسي وحطي باربكيو الله وناسة خوش عشا باربكيو في الهواء الطلق لي صار الجو حلو

الفكرة السادسة: غرفة مكتبة
يكون فيها مكتبة للكتب ومكاتب حق المذاكرة عشان تدرسون بهدوء وممكن كمبيوتر وقنفة للقراءة وحلاتها تكون شرحة ومضيئة عشان التركيييز

الفكرة السابعة: هذي لج يا البنت الحلوة
تكون تقريبا صالون منزلي تحطين تسريحة أم الليتات وناسة وديكور حلو وشرح وقنفة ومكياج وعدة الشعر والأظافر وكلشي تحتاجينه للعناية بجمالج وممكن جهاز البخار مال حمام الزيت وكلشي وتحطين تلفزيون بالطوفة وديكور مرتب وناسة كل ما بغيتي تسوين شي تعزمين خواتج وبنات خالتج وتدقون عالصالونات اللي ايونكم البيت وتسون كلشي وممكن بروحج تدلعين نفسج

الفكرة الثامنة: غرفة الخزانة
سوغرفة كبتات حلوة بديكور حلو وترتيب رائع يعني كل شي معروض ما تحوسون بالكبت تدورون وهذي أمثلة

» افكار لوحات لتزيين جدران