البسمةهلت\ فؤاد حداد

اصحى يا نايم وحد الدايم

وقول نويت بكره ان حييت

الشهر صايم والفجر قايم

اصحى يا نايم وحد الرزاق

رمضان كريم
ءءءءءءءءءءءءءءءءءءءء
مسحراتي ومعدي

منقراتي ومين قدي

الطبلة عاليه في احضاني

زي البيان زي النشره

في ستة اكتوبر عشره

من الهلال الرمضاني

كان قلبي صخر الحنيه

في المعركه للحريه

وللسلام اللي هداني
ءءءءءءءءءءءءءءءءءءءءءءءءءءء

والنسمة هلت بحريه

يا مصر يا شهد الشهدا

الجنة شمسك وترابك

اصوم واصلى في محرابك

واسمع الشط الثاني

الله اكبر وأداني

اه من هواي في اوطاني

اه من شقاي ومن طربني

الارض تتكلم عربي

والدنيا تسمع بوداني

نور الوجود من وجداني

زقاقي يفتح لي ميداني

حبيبي خدني وعداني

ءءءءءءءءءءءءءءءءءءءءءءءءءءءءءءءء
المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

ءءءءءءءءءءءءءءءءءءءءءءءءءءءءءءء

دخلت دار بعد دار والكل بيحيي

انا اللي حي وشهيد في الجنه وفي حيي

الله اكبر كأن الشمس من ضيي

على ارض سينا في نار المعركه والصهد

وانا والتراب المنور انتصرنا لبعض

وكنت صايم ملكت من السماء للارض

وكنت عطشان ما حدش ارتوى زيي

ءءءءءءءءءءءءءءءءءءءءءءءءءءءءءءءءءءءءء
اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق

» الأسطي فؤاد موجود \فؤاد حداد
» المراجيحي فؤاد حداد
» في حب مصر فؤاد حداد
» الأراجوز فؤاد حداد
» علي باب الله فؤاد حداد