فينوس

موضوع: فينوس الأحد يونيو 26, 2011 5:26 am

عرافة انا دعنى اقرأ فنجانك

واضرب الودع واحكيلك

واقرأ خطوط الكف واوصفلك حالك

فنجانك يا خلى رايق والرسم فية واضح

بيقولى قلبك مشغول ومتحير بالمحبوب

ظهرت فى حياتك صبيه جميلة صدفة

دق القلب ومال

حببتك يا خلى فى الوصف مالها مثيل

عيونها تسهر النجوم

وتشغل بال القمر

بسمتها جنة الملهوف

ومايا العطشان فى صحارى الفكر والعشق والغرام

ضحكتها هزت قلوب وسحرت عيون

همسها نغم يغار منها البلبل على الشجر

دخلت حياتك يا خلى من غير استأذان

شعرها ليل تنام علية الجفون فى هيام

ثغرها ثمرة توت

خدها بلون اروع الورود

حببتك يا خلى عاشقة غرامك

فى الهوا هيكون لكم قصة يتعلم منها العشاق

قصة غرام يسطرها القمر على جبين الليل وتزينها النجوم

فى كفك مخطوط السلام وحنية لمسة الايد

وفرحة وسعادة وبهجة ايامكم كلها عيد

فى هنا بين الخطوط مكتوب بعد الهنا ساعات فراق

هتسهر دموع العين وتجرح الفؤاد

ساعات اشتياق وحنين

هيطول اليل عليكم

هتغيب شمس الابتسامة

هتتشوق الروح للروح

والعين للعين

ايام هيغيب فيها القمر وهتحزن فيها النجوم

وشوش الودع ياجدع وقرب اخط الرمال

واشوف الودع هيخط اية هيتقال

افرح واضحك يا خلى

شايفة الضحة بترقص بفرحة اللقاء

ضم القلوب والايادى فى سعادة وهنا

اللقاء مكتوب تسعد فيه ايامكم

اقرب ياخلى واسمع منى هقولك كلمتين

فنجانك بيحكى عن حبك وعشقك

قالى هتسهر وتتحير وبالمحبوب هتكون مشغول البال

عرافة انا يا خلى وبقلوب العاشقين عارفة الاحوال

اسألنى عن قصصهم واحكيلك واوصفلك

بس انت حالك غير اى حال

قصة هواك مخطوطة على جبين الزمان

قصة عشق وغرام وسعادة وانشغال

اسأل ربك يتمم لك السعادة طول الزمان

وافوتك انا وامشى على دربى

انادى واقول

عرافة انا اوشوش الودع واقول اية بيحكى الفنجان

فينوس