تيوليب
•° نائبه المدير °•
عدد مساهماتى |♥ : 4846
تاريخ ميلادى |♥ : 27/11/1965
تاريخ تسجيلى |♥ : 09/01/2011
موقعى |♥ : www.elfagr.ahlamontada.net/
 | موضوع: ميدان حرير..... ميدان التحرير  الأربعاء مارس 30, 2011 9:56 pm | |
| ميدان التحريــــــــــــــــــــــر...
ميدان التحرير....ميدان حرير فى حرير
صار ثورة للتطهير
منه
الدعوة للتغيير
اللى كان امبارح
بجد ماضى وكان خطير
ياالله
يانبى
بجد صار عندنا
ميدان للتحرير
ميدان للتطهير
متوسد فيه الصبى
ويا الصبيـــــــــــة
فارشين الارض رملة
اسفلت الميدان قاسى واسود
حاسينة من نعومته حرير
ميدان التحرير
ميدان حرير فى حرير
ميدان التحرير
اصبح من هيبته ميدان تحليل
ميدان تحرير
هديرة صار بركان
كسر قيود
حرر شبان
رسم بكرة
اهل السطوة والسلطة
فى سجن وبيحاسبة سجان
يامصر
ياعربية
ياأم الحضارة
بكرة ليكى ومش ليا
غيرنا الكلاحة
غيرنا الوجوة
رسمنا البسمة
اللى كانت غايبة عالوجوه
استسلم الظلم
ورفع ايده لفوق
يادولة الظلم عشتى بس ساعة
فاقوا الشباب
فاقوا المصريين
اهم . اهم . اهم
جم وجم وجم
عبوا الميادين
هتفوا بصوت واحد
مصر .. أم الكل
ثورة شهيد
شاب وصبى
احسن من اللى يموت من الذل
فكرت يا دا .... الغبى
هى دى مصر العفية
توبها جلابيه
مغمضة العيون
لكن ...شايفة
وعاملة حساب
اللحظة ديا
25 من يناير
الفين وحداشر
عارفين رايحة فين السكة ديا
من ميدان
من ميدان بهية
من ميدان صبية
من ميدان صبى
من ميدان شاب
لغاية مصر
ماتغير الجلابية
من محطة مصر لاسكندرية
لغاية حدود اسوان القبلية
والبورسعيدية
والسوايسية
والدمياطية
والعرايشية
ورفح والغزاوية
وكل بحرى
جايين ليكى ياغــــزة
اصبرى
الارض من تحتك عفية
اتحررى يافلسطين
ماعاد هناك فلس
ولا نترب فى طين
انتى زى ماأنتى فى القلوب
فلسطين
واحنا كلنا مصر
فدا.... قدسك
بس انتى افرحى معانا
صار عندنا ميدان
اسمه
ميدان التحرير
يامصر
مش قلت ليكى
بس اصبرى
مين اللى خاف
مين اللى جرى
مين اللى بيقول
ياريت ماكنت
غشيت تراب الوطن
والارض ديا
ارجموا الشياطين
ارحموا
العزيز اللى اتزل
يابخت من عفى
مصر بلدنا عايشة
واللى هيموت هو
بكرة الأمل
بكرة العمل
بكرة مصر
هنشوفها صبية
عفية
نعملها
تمثال وركباه هى
وشاهرة سيف الحق
وماسكة كتاب
وبتقرا وتعلم الناس ديا
مش خلاص بقى عندنا
ميدان للحرية
ميدان التحرير
منه تتحرك لكل الدنيا
اللى انت شايفها ديا
ياسلام
ياميدان الحرية | |
|
