تويتات ساخرة حول انقطاع خدمة شبكة موبينيل

لقى انقطاع خدمات موبينيل في بعض المناطق اليوم والي الان سخرية لاذعة من متابعي مواقع التواصل الاجتماعي تويتر وفيس بوك .

جمعت لكم بعضاُ من تلك التويتات والتعليقات الساخرة

ده تعليق شبكة موبينيل في حسابها على تويتر : احنا
بنواجه مشكلة فنية حاليا وإحنا بنتعامل معاها و هتتحل في اقرب وقت ممكن و
شكرا لتفهمكم

ودي ردود الفعل : -

** أين شبكتي

** موبينيل شبكة المحمول الاولى الى بتقطع فى مصر

** شبكة موبينيل تهنئ الشعب المصرى بذكرى الثورة و تذكرهم بأيام الثورة الحلوة و تقرر قطع الشبكة. المقطوع ف يد الجميع

** مش ناقصنا غير النت يتقطع وتبقى جمعة الغضب

** صدق ال قال، فودافون أحسن تغطية و اتصالات أحسن عروض و موبينيل لونها برتقالى

** أنا كنت جزء من موبينيل، دلوقتى فودافون، مصر بتتغير وأنا كمان

** خلاص بقي رجع الشبكه يا ساويرس ..... حرمنا نقول (نعم ) تاني في الإستفتاء .. الي انت تقول عليه هو اللي حيمشي

** ياتري مين ال شد فيشة موبينيل: 1- اتصالات. 2- فودافون. 3- السلفيين. لو عرفت الاجابة متتصل علي اي حتة علشان الشبكة واقعة

** موبينيل ل عملائها ، من انتم ؟ من انتم ؟؟

** المفروض حملة ڤودافون الجديدة تكون | انا مش موبينيل، انا ڤودافون

** موبينيل: رصيدكم لدينا يسمح

** سؤال حلقتنا النهارده : مين اللي وقع شبكه موبينيل ؟ 1. صبحي صالح 2. الإخوان 3. السلفيين 4. جميع ما سبق

** يعني ايه كوك زيرو..يعني ساويرس يبيع الشركة وياخد الفلوس والعدة كمان

** وانا اللي ظلمت التليفون بتاعي وبهدلت امة وكنت هرمية فالشارع وفالاخر تطلع موبينيل...احنا اسفين يا تليفوني

** مش حنخاف مش حنطاطي .. احنا كرهنا الصوت الواطي. وساعات كمان بيقطع

** موبينيل .. اتكلم من القلب .. عشان مفيش شبكة يا حيليتها

**عمليه تخريبية في المحيط البمبي استهدفت سلك موبينيل الرئيسي،و اعلنت القاعده مسؤليتها عن الحادث

** ساويرس خطف رجله لدولة شمبونجو يجيب القرد يشغل الشبكة وراجع على طول

** يا جماعة محدش ينسى دور موبينيل العظيم في حرب أكتوبر وفي ثورة ٥٢ و ١٩١٩

** موبينيل قتلت واتقتلت

** إلى كل الناس اللى بتتريق على موبينيل عشان وقعت،إنتوا معندكوش إخوات بنات؟ يعنى لو أختك وقعت تحب حد يتريق عليها كده؟

» شاهد بالفيديو : تفاصيل سقوط شبكة موبينيل وتعويضات من الشركه للعملاء
» تعليقات ساخرة على اعلان الاخوان المسلمين انشاء نادي رياضي ينافس على الدوري والكأس