عدد مساهماتى |♥ : 4846تاريخ ميلادى |♥ : 27/11/1965 تاريخ تسجيلى |♥ : 09/01/2011موقعى |♥ : www.elfagr.ahlamontada.net/
موضوع: عشان تبقى سعيد الأحد مايو 15, 2011 7:33 am
طيب أحنا عاوزين نتكلم فى نقطة محددة
نقص السعادة تفتكر اية السبب بص ياسيدى السعادة دية شئ مكتسب مش شئ موجود بالفطرة يعنى انتا اللى بتنشئة جواك ولازم تحس بالسعادة جواك قولى لية ؟ ها قلت ؟ طب انا هجاوب؟ لازم تحس بالسعادة لانك لو تأملت قليلا احوالك هتلاقيها زى الفل يعنى انتا شاب متعلم والدليل انك بتقرا الكلام دة وكمان شاب جامعى وكمان عايش فى مستوى اقتصادى معقول بدليل انك قاعد قصاد النت دلوقتى غير انك _والحمد لله_ لسة بتشوف وتسمع وتتكلم وتمشى يعنى صحتك تمام تفتكر كل دية مايخلكش تحس انك لازم تبقة سعيد تقولى طيب نفترض كلامك صح ياعم لية انا مش حاسس بالسعادة هقولك لانك مفيش يوم قمت من النوم الصبح وفكرت نفسك بكل اللى انتا بتمتلكة ومفيش يوم قمت من النوم قلت ربنا يسهل اليوم دة هيبقة جميل لا تقوم من النوم تلاقى نفسك عندك مذاكرة مثلا هتقول -يادى اليوم اللى مش فايت تفتكر انتا بتشتكى من اول اليوم ، اليوم هيبقة عامل ازاى طب لو قمت من النوم قلت الحمد لله وشكرت ربنا على كل النعم اللى حواليك وبدأت اليوم حاسس بالراحة وبدل ما أنتا حاطط على وشك تكشيرة الصبح تفكها وتبتسم ياجدع هو انتا لو قمت من النوم وابتسمت ليومك هيحصلك حاجة ابدا مش هيحصل لكن يومك هيبقة افضل ......................... عارف كل ما اركب المترو اتعجب من المصريين كلهم مكشرين ومنكدين على نفسهم هتقولى اصلى الزحمة ماشى ياسيدى وتفتكر برا فى اوروبا مفيش زحمة فية بس عندهم الناس مبتسمة ياجدع دة الابتسام فى وجة اخيك صدقة زى ما قال الرسول(ص)ولا أية؟ ........................... يبقة أتفقنا كدة تقوم من النوم تحمد ربنا وتبص حواليك وتشوف كم النعم وتبتسم ،طبعا الاسرة هتستغرب عادى ولا يهمك ابقة قولهم يبتسموا هما كمان والمثل بيقولك اضحك الدنيا تضحكلك
الأحد مايو 15, 2011 7:33 am
