المغنـــــواتى ...حجاج الباى

قول يا مغنواتى قول
وتر وسمعنا
لما الربابة تئن..
يمكن قلوبنا تحن
والشوق يجمعنا
قول يا مغنواتى قول
والله ماضيعنا
الاسكات الطير عن المغنى
قول يا مغنواتى قول
دا الليل ملوش معنى
الا الرباب ان قال
واتسحب الموال
على جرح يوجعنا
2
لما الزناتى وقع
وابو زيد طلع سكة
لادهم قعد ع الدكة يتحكى
ويحك جرح الزمن حكة ورا حكة
جرحى الزمان اتزمن
بكت قنانى الدم كام بكة
لون المساقى دم
صوت السواقى هم
الجرح لم يتلم
واتلمت الضحكة
3
دقيت لى عصفورين على صداغى
باضولى فرخ حمام وبنية
والرك ع النية
طير السلام رفرف بحنية
حنت ايديا بحنة مش هى
ودخلت جنة شوم برجليا
اتارينى داخل غلط
متكتفة ايديا
ومغمضة عنيا
الجنة مش جنتى
الجنة غير ديا

» تمــــرّد ......حجاج الباى
» ... / حجـــــاج الباى «... الكلمـــــــــــة