1- كل اللي عليكِ إنك تشتري الترمس من عند أي عطار، بس خلّي بالك، لأن فيه نوعين من الترمس؛ نوع بلدى ونوع مستورد، والطريقة واحدة في الاتنين بس بتفرق في المدة اللي هيحتاج إنه يتنقع فيها، لأن البلدي بياخد وقت أطول.
2- هتجيبي الترمس وتغسليه كويس وبعد كده حطّيه في ميه واغليه.
3- ارفعيه من على النار وسيبيه في الحلة وهو متغطي لمدة ساعة، وبعدين صفّي الميه واشطفيه وحطي له ميه جديدة.
4- سيبيه في الميه لمدة من 2 : 6 أيام حسب نوع الترمس، وطبعا كل يوم تشطفيه وتغيّري الميه.
5- لما تحسّي إنه استوى حطّي شوية ملح في الميه وسيبيه 4 أو 5 ساعات، علشان الترمس يتملّح كويس.
6- عند التقديم حطّي له خلطة من الملح والكمون والشطة والليمون.. وبالهنا والشفا.
الثلاثاء مايو 03, 2011 1:44 pm
